Llapi nis sezonin e ri në Superligë me rezultate të dobëta, trajneri premton rikthim

Ekipi i futbollit Llapi ka nisur sezonin e ri të Superligës së Kosovës me rezultate zhgënjyese, duke regjistruar 2 barazime dhe 2 humbje në 4 xhirot e para, pa shijuar ende fitoren e parë. Llapjanët aktualisht gjenden në fundin e tabelës.

Edhe sezonin e kaluar, ekipi nga stadiumi “Zahir Pajaziti” kishte një përvojë të vështirë, duke shpëtuar vetëm përmes barazhit dhe duke siguruar qëndrimin në Superligë në fund të kampionatit.

Megjithatë, trajneri i ekipit, Tahir Batatina, ka premtuar se sezoni i kaluar nuk do të përsëritet dhe se Llapi do të rikthehet fuqishëm. Ai gjithashtu iu është përgjigjur kritikëve përmes një postimi në rrjetet sociale, duke dërguar mesazh mbështetjeje dhe vendosmërie.